Plantun de Prouvènço

Pèr coumpara dos planto d'encò nostre

Ceratocephala falcata & Scrophularia nodosa

Tas

Ceratocephala falcata

Ranunculaceae

Noms en français : Cératocéphale en faux, Renoncule en faux.

Descripcioun :
Curiouso planto, curious noum aquéu tas que trachis, souvènt en group, dins li meissoun e ermas d'Auto Prouvènço. Lou tas èi pas bèn grand (10 cm), d'un verd clar, emé de noumbróusi fueio en rouseto di proun descoupado en ventau. Li flour soun d'un jaune clar e fan de gròssis espigo (fin qu'à 4 cm) que sèmblon espinouso emé sis akène en formo de daio (falcatus). Flouris d'ouro, tre la debuto de mars.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 2 à 12 cm
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Ceratocephala
Famiho : Ranunculaceae

Ordre : Ranunculales

Coulour de la flour : Jauno
Petalo : >6
Ø (o loungour) flour : 2 à 6 mm
Flourido : Printems Ivèr

Sòu : Ca
Autour basso e auto : 0 à 1300 m
Aparado : Noun
Remarco : Arquéofito
Mars à mai

Liò : Meissoun - Ermas - Champ
Estànci : Mesoumediterran à Mountagnard
Couroulougi : Éurasiatico
Ref. sc. : Ceratocephala falcata (L.) Pers., 1805 (= Ranunculus falcatus L., 1753 )

Erbo-dis-escrolo

Scrophularia nodosa

Scrophulariaceae

Nom en français : Scrofulaire noueuse.

Descripcioun :
L'erbo-dis-escrolo douno d'èr à l'erbo-dóu-siège, pamens èi mens forto, sa tijo èi carrado mai sènso alo e pleno (fotò). Ei gaire coumuno au nostre, aleva dins lis Aup marino. Trachis dins li relarg fres.

Usanço :
Coume soun noum lou dis, l'erbo-dis-escrolo èro emplegado pèr gari (o pulèu sougna) lis escrolo que soun de boufigo (fotò) que vènon dins lou còu en rapport emé la tuberculòsi que ié disien à l'Age-Mejan, en latin, struma o morbus regius (mau de rèi). A l'Age-Mejan li rèi an lou poudé de gari lis escrofo ("écrouelles" en francés). A forto doso la planto pourrié èstre empouisounanto.